சராசரி நான் !

பள்ளங்களில் இறங்கி
மேடுகளில் ஏறி
பக்குவமாய் ஒதுங்கி
சாலையில் செல்லும்
சராசரி நான் !

கால் கடுக்க நின்று
கவர்ன்மென்ட் ஆபிசில்
காந்தி நோட்டு தந்து
காரியம் முடிக்கும்
சராசரி நான் !

கார்கில் போர் ஆனாலும்
கருணா நிதி குடும்ப ஊழல் ஆனாலும்
டீக்கடை பென்ஞ்களோடு
மறந்து விடும்
சராசரி நான்!

பாலியல் கொடுமையும்
பாகுபாடு காட்டும் சாதிகளையும்
பத்திரிக்கை பார்த்து
தெரிந்து கொள்ளும்
சராசரி நான்!

என் வீட்டில்
குண்டு வெடிக்காதவரை...
என் பாக்கெட் பணம்
திருடப்படாதவரை...
பார்வையாளனகவே இருக்க
பழக்கப்பட்டவன் நான்!

அவசரமாய் செல்ல வேன்டும் நான்
அழகிய அனுஷ்காவுடன்
சுதந்திர தினம் கொண்டாட
தொலைக்காட்சி முன்!

இந்தியராய் இருப்போம்
இணைந்தே இன்னும்
பல சாதனைகள் செய்வோம்!!!